Isa sa mga pangunahing kursong kinukuha ng mga mag-aaral ng Unibersidad ng Pilipinas ang
Kasaysayan 1 o ang Kasaysayan ng Pilipinas. Mahalagang maiangat bilang isang mapanuring pagaaral
ng kasaysayan ang kursong KAS 1 upang mapaunlad ang kamalayang pangkasaysayan ng
mga mag-aaral. Mahalaga ito sa kasalukuyang panahon dahil kailangan ang pang-unawa sa
interpretasyon at sa ugnayan ng mga pangyayari at panahon. Matututo ang mag-aaral na malaman
ang konteksto ng isang pangyayari, ang bunga nito sa susunod na mga pangyayari, ang halaga ng
mga primaryang sanggunian (primary sources), at ang kritikal na pagsusuri sa katotohanan at
katumpakan ng mga sanggunian. Mauunawaan ang kasaysayan hindi lamang bilang mga
pangyayaring nakalipas kundi isa ring patuloy na pagsisikap upang unawain ang kasalukuyan at
maging batayan para sa sariling pakikibahagi sa patuloy na pagbubuo ng bayan.
- Teacher: Sanchez, Phoebe Zoe Maria